काठमाडौं । राजा ज्ञानेन्द्र दुई साता लामो बसाईका लागि झापा जानू भएको छ । आज अपराह्न ४ बजेको बुद्ध एयरको विमानबाट उहाँ झापा जानू भएको हो ।
रानी कोमल, छोरी प्रेरणा र भतिजी शितास्माकासाथ उहाँ झापाको दमक–९ स्थित हिमालयन महालक्ष्मी टी इस्टेटको मिनी दरबार जानु भएको हो । राजाको सुरक्षाको लागि सशस्त्र प्रहरी बल, नेपालको टोली दुई दिनअघि नै काठमाडौँबाट हिमालय महालक्ष्मी टी इस्टेटको मिनी दरबारमा आइसकेको छ।
हिमालय महालक्ष्मी टी इस्टेटको मिनी दरबारमा केही दिनदेखि राज परिवारका सदस्यहरूको आउनेजाने क्रम चलिरहेको बताइएको छ।
यता काठमाडौंमा राजसंस्था पक्षधरहरूले यही जेठ १५ गतेदेखि अनिश्चितकालीन आन्दोलन गर्ने तयारी गरिरहेका बेला राजा ज्ञानेन्द्र शाह भने झापा पुग्नु भएको हो ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
