काठमाडौँ ।राष्ट्रिय प्रजातन्त्र पार्टीले युवाहरूसँग साक्षात्कार कार्यक्रम गरेको छ।
सोमबार काठमाडौँको प्रदर्शनीमार्गस्थित राष्ट्रिय सभागृहमा राप्रपाले जेठ १५ गतेदेखि हुने राजसंस्था पुनःस्थापनाको आन्दोलनको सन्दर्भमा पार्टीका ४० वर्षमुनिका युवाहरूसँग साक्षात्कार कार्यक्रम आयोजना गरेको हो।
त्यसक्रममा पार्टीका युवा नेताहरूलाई अध्यक्ष राजेन्द्र लिङ्देनसँगै मञ्चमा राखिएको थियो। कार्यक्रमलाई सम्बोधन गर्दै नेता ज्ञानेन्द्र शाहीले प्रधानमन्त्री केपी शर्मा ओलीलाई प्रत्यक्ष चुनाव लडेर जित्न चुनौती दिए। यस्तै, उनले जेठ १५ गते काठमाडौँ एमालेको नियन्त्रणमा लिनू भन्ने प्रधानमन्त्री ओलीको अभिव्यक्तिप्रति पनि आपत्ति जनाए।
आइतबार एक कार्यक्रममा बोल्दै प्रधानमन्त्री ओलीले राजसंस्था पक्षधरले आन्दोलन घोषणा गरेको दिन जेठ १५ गते काठमाडौँ एमालेको नियन्त्रणमा लिन कार्यकर्ताहरूलाई निर्देशन दिएका थिए। तर, राप्रपासहित राजसंस्था पुनर्स्थापना पक्षधर शक्तिहरूले जेठ १५ गते राजसंस्था स्थापनाका लागि आन्दोलन गर्ने तयारी गरिरहेका छन्।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
