काठमाडौं- राजसंस्था पक्षधरहरूको आन्दोलन र संसद् अवरोधलगायत विषयमा कुरा गर्न प्रधानमन्त्री केपी शर्मा ओलीले प्रमुख तीन दलका शीर्ष नेताहरूको बैठक बोलाएका छन्।
प्रधानमन्त्री ओलीले सोमबार बेलुकी ४ बजे बस्नेगरी तीन दलको बैठक बोलाएको प्रधानमन्त्रीको सचिवालयले जानकारी दिएको छ। बैठकमा कांग्रेस र माओवादीबाट कोको सहभागी हुने स्पष्ट भइसकेको छैन।
बैठक सिंहदरबारस्थित प्रधानमन्त्री एवं मन्त्रिपरिषदको कार्यालयमा बस्नेछ।विपक्षी दलहरूले भिजिट भिसा प्रकरणमा लगातार गृहमन्त्री राजीनामा माग्दै संसद् अवरोध गरिरहेका छन्। गृहमन्त्रीको राजीनामा नआएसम्म संसद् अवरोध कायमै राख्ने विपक्षीले बताएका छन्I।
एमाले संसदीय दलको बैठकमा ओलीले सोमबार माओवादी अध्यक्ष तथा पूर्वप्रधानमन्त्री पुष्पकमल दाहालसँग संसद्को अवरोध हटाउने विषयमा कुरा गर्न खोजे पनि उनीसँग सम्पर्क नभएको बताएका थिए।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
