काठमाडौं । नेपालको राजनीतिक वृत्तमा नयाँ राजनीतिक दल दर्ताको प्रक्रिया अगाडि बढेको छ। प्राप्त जानकारीअनुसार प्रस्तावित 'जय नेपाल पार्टी' औपचारिक रूपमा निर्वाचन आयोगमा दर्ता हुने तयारी पूरा भएको छ।
पार्टी दर्तासम्बन्धी सम्पूर्ण तयारी पूरा भइसकेको र मिति २०८३ साउन २६ गते बसेको कार्यदलको निर्णयअनुसार यही साउन २९ गते शुक्रबार दिनको १२-१५ बजे 'जय नेपाल पार्टी' निर्वाचन आयोगमा विधिवत रूपमा दर्ता गरिने भएको छ।
यस सुखद अवसरमा नयाँ प्रस्तावित दलमा आबद्ध रहनुभएका तथा आबद्ध हुन चाहनुहुने सम्पूर्ण नेतागण, पार्टीपंक्ति तथा शुभेच्छुक लाई उपस्थित हुन आह्वान गरिएको छ। पार्टीका प्रस्तावित सभापति डक्टर धवलशमशेर राणाद्वारा जारी गरिएको विज्ञप्तिमा दल दर्ताको यस शुभ कार्यमा सहभागिता जनाएर उत्साह र उमंग थप्न आग्रह गरिएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
