काठमाडौँ। हिमानी ट्रष्टले रसुवाका बाढीपीडितहरूबिच उद्धार तथा राहतका लागि रु. २ करोड नगद सहयोगका साथै आवश्यक आपतकालीन राहत सामग्रीहरू उपलब्ध गराएको छ।
प्राकृतिक विपद्का कारण प्रभावित बनेका स्थानीय समुदायको तात्कालिक आवश्यकतालाई ध्यानमा राख्दै ट्रष्टले सो रकम तथा राहत सामग्री हस्तान्तरण गरेको हो। आपत्कालीन अवस्था र प्राकृतिक विपत्तिमा निरन्तर सामाजिक तथा मानवीय सेवामा सक्रिय रहँदै आएको हिमानी ट्रष्टले विगतमा पनि यस्ता संकटका बेला अग्रपंक्तिमा रहेर सहयोग गर्दै आएको छ।
ट्रष्टको यस द्रुत मानवीय पहलले प्रभावित क्षेत्रका पीडितहरूको राहत, उद्धार र पुनर्स्थापना कार्यमा ठूलो सहयोग पुग्ने विश्वास लिइएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
