काठमाडौँ। रसुवास्थित माथिल्लो त्रिशूली जलविद्युत् आयोजनाको सुरुङभित्र फसेका ३५० जना मजदुर तथा स्थानीयलाई नेपाली सेनाले सकुशल उद्धार गरेको छ।
भोटेकोशी नदीमा आएको भीषण बाढीका कारण सुरुङभित्र मानिसहरू थुनिएपछि चौतर्फी चिन्ता बढाएको थियो। सेनाको टोलीले अत्यन्तै चुनौतीपूर्ण परिस्थितिका बिच उद्धार कार्य सफल बनाएको जानकारी प्रधानमन्त्रीको सचिवालयले दिएको छ। उक्त सुरुङभित्र अझै पनि १०० जनाभन्दा बढी व्यक्तिहरू फसेको अनुमान गरिएको छ।
सेनाले बाँकी रहेका मानिसहरूको खोजी तथा उद्धार कार्यलाई तीव्रताका साथ निरन्तरता दिइरहेको छ। रसुवाका विभिन्न बाढी प्रभावित क्षेत्रहरूमा नेपाली सेनाको विपद् उद्धार टोली सक्रिय रूपमा परिचालन भएको छ।
सेनाले बिहीबार मात्रै प्रभावित स्थानहरूबाट कुल ८८३ जना स्थानीय तथा मजदुरहरूलाई सुरक्षित स्थानमा स्थानान्तरण गरिसकेको जनाएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
