डडेल्धुरा : लगातारको वर्षा र हावाहुरीका कारण डडेलधुरा जिल्लाभर सवारी साधन आवागमनमा लगाइएको रोक थप गरिएको छ।
जिल्ला प्रशासन कार्यालय, डडेलधुराले एक सूचना जारी गर्दै सम्भावित जोखिमलाई मध्यनजर गरी सवारी साधन सञ्चालनमा थप रोक लगाइएको जनाएको छ। यसअघि असोज १० गते बिहान ७:०० बजेदेखि असोज ११ गते बिहान ७:०० बजेसम्मका लागि सवारी साधन चलाउन रोक लगाइएकोमा निरन्तर वर्षा र हावाहुरी रोकिएकाले असोज ११ गते बिहान ७:०० बजेदेखि असोज १२ गते सोमबार बिहान ७:०० बजेसम्मका लागि यो रोक कायम गरिएको छ।
प्रशासनले आकस्मिक तथा अत्यावश्यक अवस्था परेमा जिल्ला प्रशासन तथा नजिकको प्रहरी कार्यालयमा सम्पर्क गर्न आग्रह गरेको छ। साथै, नागरिकहरूलाई जो जहाँ छन् त्यहीँ सुरक्षित साथ रहन र आवश्यक सतर्कता अपनाउन अनुरोध गरिएको छ। आपतकालीन सम्पर्क नम्बरहरू: प्रमुख जिल्ला अधिकारी: ९८५८७१७७७७ ,सहायक प्रमुख जिल्ला अधिकारी: ९८५८४८६६६६, जिल्ला प्रहरी कार्यालय प्रमुख: ९८५८७१५५५५ नेपाल प्रहरी हटलाइन: १०० सशस्त्र प्रहरी बल नेपाल हटलाइन: १११४ DEOC: १२३४
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
