सुन्दरहरैचामा प्रथम गोकुलम भेट्रान फुटसल प्रतियोगिता हुने

सुन्दरहरैचा, सुन्दरहरैचा नगरपालिकामा प्रथम गोकुलम भेट्रान फुटसल प्रतियोगिता हुने भएको छ ।

विराटचौक भेट्रान क्लबको आयोजनामा हुन लागेको उक्त प्रतियोगिताको खेल समय र पुरस्कार राशी आज पत्रकार सम्मेलन मार्फत आयोजकले सार्वजनिक गरेको छ । कार्तिक ०९ गते देखि आयोजना हुने उक्त प्रतियोगिता कार्तिक १० गते सम्म हुने अयोजकले बतएको छ । दक्षिणी अमेरिकाबाट उदाएको फुटसल खेल नेपालमा पनि दिनानुदिन लोकप्रिय बन्दै गईरहेको छ ।

स्वस्थ्यको दृष्टिकोणले सबैलाई उपयुक्त यो खेल सबै उमेर समुहम त्यति नै मात्रामा लोकप्रिय देखिन्छ भने जुनसुकै मौसममा समेत यो खेल खेल्न सकिन्छ । उक्त प्रतियोगितामा ३५ वर्षको १ जना र ३८ वर्ष देखि माथि ७ जना सहभागी हुन पाउने आयोजकले बताएको छ । खेल समयवधी भरी उक्त प्रतियोगितामा २४ वटा टिम सहभागिता हुने आयोजकले बताएको छ भने खेलमा सहभागि हुने टिमका प्रत्येक खेलाडिले आफ्नो मतदाता परिचय पत्र वा नागरिकतको सक्कल पेश गर्नु पर्ने कार्यक्रम संयोजक युगेन गुरुङले बताएका छन ।

आयोजकले प्रतियोगितामा प्रथम हुनेलाई नगद रु ५०,००० ट्रफी र प्रमाणपत्र, दोस्रो हुनेलाई नगद रु २५,००० ट्रफी र प्रमाणपत्र , सर्वोत्कृष्ट खेलाडिलाई नगद रु २,००० ट्रफी र प्रमाणपत्र , बढी गोलकर्तालाई नगद रु १,५०० ट्रफी र प्रमाणपत्र र उत्कृष्ट गोलकिपरलाई नगद रु १,५०० ट्रफी र प्रमाणपत्र प्रदान गरिने पत्रकार सम्मेलन मार्फत संयोजक गुरुङले बताए । प्रतियोगिता सुन्दरहरैचा स्थित विराटचौकमा रहेको प्लानेट फुटसलको खेल मैदानमा हुने आयोजकले बताएको छ ।