भारतीय हस्तक्षेप विरुद्ध राप्रपाको देशब्यापी आन्दोलन, गोर्खामा पनि बिरोध

वैशाख २९, २०७७

कालापानी मिडिया

काठमाण्डौ : भारतले नेपाली भूमि अनधिकृत कब्जा गरेको विरोधमा राप्रपा गोरखाले पनि बिरोध गरेको छ । आज सदरमुकाम स्थित हरमटारी चोकमा राप्रपा गोर्खाले सामाजिक दुरी कायम गर्दै शान्तिपूर्ण प्रदर्शन गरेको हो ।

राष्ट्रियता र सार्वभौमिकताको पक्षमा जिल्ला स्थित पार्टीका नेता तथा कार्यकर्ताहरु स्वस्फूर्त रुपमा सडकमा निस्केर भारत को बोरोध गरेका हुन । शोमबार राप्रपाका भातृ संगठनहरुले देशव्यापी रुपमा भारतको बिरोध गरेका छन । बिरोधका क्रममा देश भर बाट सयौं बिद्यार्थी,नेता तथा कार्यकर्ता पक्राउ परेका थिए । उनिहरु सवैलाइ अहिले रिहा गरिएको छ । आफ्ना पार्टीका भातृ संगठनहरुले गरेको यो कार्य स्वागतयोग्य भएको भन्दै राप्रपा अध्यक्ष कमल थापाले धन्यवाद समेत दिएका छन।