काठमाडौं। गोरखाको चुमनुब्री, धार्चे र आरुघाट क्षेत्रमा बूढीगण्डकी नदीमा आएको आकस्मिक बाढीले पुर्याएको जनधनको क्षतिप्रति जय नेपाल पार्टीले गहिरो दुःख व्यक्त गरेको छ।
पार्टीले आइतबार जारी गरेको प्रेस विज्ञप्तिमार्फत बाढीका कारण ठूलो मात्रामा भौतिक संरचनामा क्षति पुगेको र केही नागरिक सम्पर्कविहीन भएको खबरले आफूहरूलाई अत्यन्तै चिन्तित तुल्याएको जनाएको छ । प्राकृतिक विपत्तिबाट प्रभावित सम्पूर्ण परिवारप्रति सहानुभूति व्यक्त गर्दै पार्टीले विपद्को यस घडीमा पीडित नागरिकलाई आवश्यक सहयोग उपलब्ध गराउन सम्बन्धित निकायको ध्यानाकर्षण गराएको छ।
पार्टीले बेपत्ता भएकाहरूको खोजी तथा उद्धार कार्यलाई तीव्रता दिन, पीडित परिवारका लागि सुरक्षित अस्थायी आश्रयको व्यवस्था गर्न तथा स्वच्छ खानेपानी, खाद्यान्न, लत्ताकपडा र औषधोपचारको प्रबन्ध तत्काल गर्न सरकारसँग माग गरेको छ।
जय नेपाल पार्टीका सचिवालय प्रमुख सगुन सुन्दर लावतीद्वारा हस्ताक्षरित विज्ञप्तिमा विपद्बाट प्रभावित नागरिकलाई राहत तथा उद्धार उपलब्ध गराउन आवश्यक कदम चाल्न जोड दिइएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
