एजेन्सी : पाकिस्तानी प्रधानमन्त्री इमरान खानले भारतको नेपाल र चीनसँग भइरहेको सीमा विवादमा प्रतिक्रिया जनाएका छन् । ट्वीटरमार्फत उनले विस्तारवादी भारत छिमेकीका लागि खतरा भएको टिप्पणी गरेका छन् । प्रधानमन्त्री खान लेख्छन्, मोदी सरकारको अहंकारले पूर्ण विस्तारवादी नीतिका साथ भारत छिमेकी देशका लागि खतरा बनेको छ ।
बंगलादेशको नागरिकता संशोधन कानुनसँगै नेपाल र चीनको सीमा क्षेत्रमा पनि भारतले विवादमार्फत खतरा पेश गरिरहेको छ । त्यस्तै पाकिस्तानविरुद्ध भारतले झुठो अपरेशन चलाएर समस्या निम्ताइरहेको छ । कास्मिरमा अवैध कब्जा, युद्ध अपराध गर्दै भारतले पाकिस्तान प्रशासित कास्मिरमा शासन चलाइरहेको उनले बताएका छन् । उनी भन्छन, मैले सधै भन्ने गरेको छु, मुसलमानलाई दोस्रो दर्जाको नागरिक बनाउने फाँसिवादी मोदी सरकार केवल भारतीय अल्पसंख्यकका लागि मात्र होइन्, क्षेत्रीय शान्तिका लागि पनि खतरा छ । नेपाली भूमि अतिक्रमण गरेर भारतले सडक बनाएपछि नेपालले नयाँ नक्सा जारी गरेको छ । नेपालले विवादीत क्षेत्रको टुंगो वार्तामार्फत लगाउने प्रस्ताव गरे पनि भारतले त्यसलाई अस्वीकार गरिरहेको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
