काठमाडौं । पूर्वप्रधानमन्त्री डा.बाबुराम भट्टराईले नेपालमा रहेको कथित जातीय छुवाछुतको अन्त्य गर्न सबैजनाले एकै थर लेख्नुपर्ने प्रस्ताव गरेका छन्। सरकारले प्रस्तुत गरेको आगामी आर्थिक वर्षको बजेटमाथि आइतवार प्रतिनिधिसभामा भएको छलफलमा भाग लिँदै उनले यस्तो बताएका हुन्।
श्रमिक र सिल्पी दलित समुदायलाई हेपेर, अपमानित गरेर देश अघि नबढ्ने उनले बताए। श्रम गर्नेलाई हेपेर दलित भनेर हुन्छ। अहिले पनि जातीय छुवाछुतका आधारमा यसरी प्रताडित गर्न पाइन्छ, उनले सोधे, बरु यो छुवाछुत प्रथा हटाउन सबैले एकै थर लेखौं, म पनि बरु बाबुराम भट्टराई कामी भनेर लेख्न तयार छ, सबैले थर एकै लेखौं।
उनले रुकुममा जातीय विभेदका नाममा गरिएको पाँच युवकको हत्यालाई प्रतिक्रान्तिको संज्ञा दिए। क्रान्तिको आधार इलाका रुकुममा त्यत्रो प्रतिक्रान्ति हुन्छ भने देश कहाँ जाँदैछ,उनले सोधे, हामीले यी बेथितिलाई हटाउनैपर्छ। एउटै झट्कामा किन भत्काउन सक्दैनौं तर सबैले साझा प्रयास गरौं।
पूर्व प्रधानमन्त्री डा.बाबुराम भट्टराईको यो भनाइ आइसकेपछि कतिपयले उनको मगजले काम गर्न छाडेको भन्न थालेका छन् भने कतिपयले दलितको भोट तान्नकालागि राजनीति गर्न थालेको भन्न थालेका छन् । सामाजीक संजालभरी यतिबेला उनको गुनगान गाउने भन्दापनि बिरोधमा बोल्ने र बिभिन्न ट्रोल बनाएर राख्नेहरुको कमी छैन ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
