काठमाडौं । आज दिनभर काठमाडौं उपत्यका सहित देशका बिभिन्न स्थानमा बर्षा हुने मौसम पूर्वानुमान महाशाखाले जनाएको छ । काठमाडौं उपत्यका लगायत बागमती प्रदेश भरीनै बिहानैबाट मेघगर्जन सहित वर्षा हुने महाशाखाले जनाएको हो ।
महाशाखाका अनुसार यतिबेला पनि देशको धेरै स्थानमा वर्षा भइरहेको छ। प्रदेश १, प्रदेश २, बागमती प्रदेश, गण्डकी प्रदेश र प्रदेश ५ का थोरै स्थानमा मेघगर्जन र चट्याङसहित भारी वर्षा हुने सम्भावना छ।
साथै यिनै प्रदेशका एक(दुई स्थानमा धेरै भारी वर्षाको समेत सम्भावना रहेको महाशाखाले जनाएको छ। महाशाखाले केही केही स्थानका नदीमा पानीको बहाव बढ्ने, भूक्षय हुने, पहिरो जाने, सडक तथा हवाई यातायात प्रभावित हुने तथा ढल र पानीको राम्रो निकास नभएका ठाउँमा डुबानसमेत हुन सक्ने भएकाले आवश्यक सतर्कता अपनाउन पनि अनुरोध गरेको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
