अनिता घिमिरे, पोखरा । प्रधानमन्त्री केपी शर्मा ओलीको समर्थनमा शुक्रबार पोखरामा प्रदर्शन भएको छ ।
पोखराको चिप्लेढुंगामा गरिएको प्रदर्शनमा प्रदर्शनकारीहरुले केपी ओलीलाई प्रधानमन्त्रीको पदबाट हटाउन नहुने, पाँच वर्ष उनैलाई सरकार चलाउन दिनुपर्ने माग गरेका हुन् । अँध्यारो कोठे बैठक बसेर ओलीलाई हटाउन लागेको भन्दै उनीहरूले आपत्ति प्रकट गरेका छन् ।
साथै उनीहरूले पार्टीका अन्य नेताहरूलाई लक्षित गर्दै भारतीय विस्तारवादी र भारतीय दलालहरूले प्रधानमन्त्री ओलीलाई हटाउन खोजेको भन्दै यसबाट सचेत हुनुपर्ने बताएका छन् । 
अहिलेको परिस्थितिमा सरकार परिवर्तन गर्न हुदैन भन्ने पक्षमा आफूहरू रहेको भन्दै कुनै व्यक्ति र गुटको पक्ष पोषणमा कोही पनि लाग्नु नहुने प्रदर्शनमा सहभागी युवाहरुको भनाइ छ ।
स्वत स्फुर्त रुपमा सयौंको संख्यामा रहेका ओली समर्थक युवाहरुले जनमतको कदर गर्न समेत आग्रह गरेका छन् । 
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
