काठमाडौँ । पहिरो खसेपछि नारायणगढ-मुग्लिन सडकखण्ड अवरुद्ध भएको छ । नारायणगढ–मुग्लिन सडक खण्डको चारकिलो भन्ने स्थानमा सोमबार बिहान खसेको पहिरोका कारण सडक पूर्ण रुपमा अवरुद्ध भएको हो ।
पानी लगातार परिरहेको र माथिबाट समेत थप पहिरो खसिरहेकोले आज दिनभर जस्तो सडक अवरुद्ध हुन सक्ने देखिएको चितवन प्रहरीले जनाएको छ । बिहान ५ बजेको सयमा दुई वटा विद्युतका पोलसहित ठूलो पहिरो खसेको र प्रहरी टोली त्यस तर्फ गइसकेको भएपनि पहिरो लगातार खसिराखेकाले सुरक्षाका कारण नजिक जान नसकिने चितवन प्रहरी प्रमुख नाम्तिराज गुरुङले जानकारी दिए ।
उनले पहिरो पन्छाउन समय लाग्ने भएकाले यो सडक हुँदै यात्रा गर्नेहरुलाई बैकल्पिक सडक प्रयोग गर्न र एकतर्फी सवारी लामबद्ध गरिदिन अनुरोध गरेका छन् । दुई दिनदेखि यस क्षेत्रमा लगातार वर्षा भइरहेको छ । इच्छाकामना–६ मा पर्ने चारकिलोमा त्यसअघि पनि पटकपटक पहिरो खस्दा समस्या हुँदै आएको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
