नेकपा अब जनताको सुझाव बुझ्न गाउँ—गाउँमा जाने -नेता गुप्ता

आरोहहण शाह
२६ माघ,वीरगञ्ज । संविधाना सभा सदस्य एवम् नेपाल कम्युनिष्ट पार्टीको नेता राजकुमार गुप्ताले सत्तासिन पार्टी नेकपा अब जनताको सुझाव बुझ्न गाउँ—गाउँमा जाने बताएका छन् ।

पोखरीयामा हिजो भएको अगुवा कार्यकर्ताहरुको साक्षात्कारको क्रममा उनले नेकपाको नेतृत्वमा बनेको वर्तमान सरकारबाट जनताले निकै ठूलो आशा गरेको धारणा राख्दै अब बिस्तारै जन अपेक्षा पुरा गर्न पार्टी नेता—कार्यकर्ता तथा सर्वसाधारणको पनि जीवनस्तर सुधार्ने सवालमा लाग्नुपर्ने धारणा राखे । नेता गुप्ताले पोखरिया नगर कमिटीका अध्यक्ष तथा संविधान सभाका सदस्य प्रद्युम्न चौहान, नेता पन्नालाल प्रसाद, जोगानन्द प्रसाद, सन्तोष प्रसाद, नगरकमिटीका सदस्यहरु र अन्य अगूवा कार्यकताहरुको समेत सहभागिता रहेको थियो ।उनले पार्टी कमिटीको नियमित बैठकको आयोजना गरि पोखरिया नगरको समग्र बिकासको योजना अघि बढाउनुपर्ने आवश्यक्ता औल्याए। उनले सडक, नाला, बत्ति, सरसफाई, शिक्षा, स्वास्थ्य, रोजगारी, कृषी र रोजगारीको क्षेत्रमा पनि पार्टीले योजना अगाडि सार्नुपर्ने बताए ।

नेता गुप्ताले महिला, बालबालिका, बृद्ध, बृद्धाको क्षेत्रमा पनि नगरले बिनियोजन गरेको बजेट सदुपयोग भए नभएको बारेमा पनि ध्यान दिनुपर्ने धारणा राखेका थिए । अव क्षेत्र नम्बर ३ को समग्र बिकासमा पार्टी पंक्ती लाग्नुपर्ने बताउनुहुंदे उनले नियमित कमिटका बैठक, भेला, प्रशिक्षणका कार्यक्रम समेत संचालन गर्ने योजना पार्टीले अघि बढाइरहेको बताए । पार्टीलाई गतिशील बनाउने योजना निर्माण गरी कार्यन्वयनमा जाने र जनताको आवश्यकता पुरा गर्न सरकारका निकायको ध्यानाकर्षण गराउने समेत नेता गुप्ताले बताएका थिए ।