सङ्खुवासभा – चीनको सीमावर्ती किमाथाङ्का गाउँमा फेरि हिमपात भएको छ । सोमबार रातिदेखि फेरि हिमपात सुरु भएपछि जनजीवन प्रभावित भएको छ ।
सङ्खुवासभाको सदरमुकाम खाँदबारीदेखि एक सय ६२ किलोमिटर टाढा रहेको किमाथाङ्का गाउँमा गएको मङ्सिर अन्तिम हप्तादेखि हिमपात सुरु भएको थियो । बर्सेनि किमाथाङ्का गाउँ र गाउँमाथिको छेसुम्बा गुम्बालगायतका डाँडामा झण्डै ६ महिनासम्म हिउँ पर्ने गर्छ ।
सङ्खुवासभाको धेरै ठाउँमा चिसो कम हुँदै गए पनि किमाथाङ्का नाका र तल गाउँसम्म अझै हिमापात भइरहेको सीमा सुरक्षा पोस्ट ९बीओपी० को सशस्त्र प्रहरीका प्रहरी निरीक्षक ९इन्स्पेक्टर० देवराम राईले बताउनुभयो । उहाँको अनुसार यस क्षेत्रमा पटक–पटक हिमपात हुदाँ जनजीवन कष्टकर बनेको छ । घरबाट बाहिर निस्कन पनि मुश्किल रहेको उहाँले जानकारी दिनुभयो ।
केही समयअघि मात्रै सङ्खुवासभाको किमाथाङ्का नाकामा सीमा सुरक्षा पोस्ट स्थापना गरिएको हो । इन्स्पेक्टर राईको कमाण्डमा २६ जनाको सशस्त्र टोली राखिएको छ । चीनसँग सिमाना जोडिएको किमाथाङ्का नाका कोरोना भाइरसको कारण चीन सरकारले पूर्णरुपमा बन्द गरेको छ । नाका बन्दका कारण आवातजावात ठप्प छ ।
सङ्खुवासभाको दक्षिणी भेगमा टुटेदेउराली, गुफापोखरी, चौकी, मङ्गलबारे लगायतका टीमएमजे क्षेत्रमा भारी हिमपातका कारण जनजीवन प्रभावित भइरहेको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
