धनगढी । सुदूरपश्चिम साहित्य समाज धनगढीले तीन जना साहित्यकारको शालिक स्थापना गरेको छ। साहित्य समाजले धनगढीमा आदिकवि भानुभक्त आचार्य, नाटककार पहलमानसिंह स्वाँर र जयपृथ्वी मल्लको शालिक स्थापना गरेको हो।
शालिकको सुदूरपश्चिम प्रदेशका मुख्यमन्त्री त्रिलोचन भट्टले आज अनावरण गरे। समाजको आयोजनामा बुधबारदेखि शुरु हुने ‘विश्व नेपाली साहित्य महोत्सव २०७६’ को पूर्वसन्ध्यामा आयोजित शालिक अनावरण कार्यक्रममा मुख्यमन्त्री भट्टले संस्कृति, भाषा, साहित्य र पर्यटनलाई एक ठाउँमा राखेर प्रवद्र्धन गर्न सके प्रदेशको आर्थिक विकास सम्भव हुने बताए।
सुदूरपश्चिमको संस्कृति, रहनसहन र लबाइखवाइ अरुभन्दा फरक रहेकाले यहाँ संस्कृतिक पर्यटनको सम्भावना बढी रहेको मुख्यमन्त्री भट्टको भनाइ थियो। समाजका अध्यक्ष रामलाल जोशीले साहित्य समाजको प्राङ्गणमा शालिक बाटीका स्थापना गर्ने योजना रहेको बताए। आदिकविको शालिक साहित्य समाजले, नाटककार स्वाँरको शालिक उनको परिवारले र राजा मल्लको शालिक धनगढीका योगेन्द्र शाहीले निर्माण गरेका हुन्।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
