विदेशीको भर किन पर्नु हुन्छ ? तपाईहरु आफै पैसा हाल्नुस न यार ! -शेरवहादुर देउवा

धनगढी । नेपाली कांग्रेसका पार्टी सभापति एवं पूर्व प्रधानमन्त्री शेरबहादुर देउवाले पश्चिम सेती निमार्णका लागी सबै पार्टी लाग्नुपर्ने बताएका छन्। मंगलबार धनगढीमा जारी विश्व नेपाली साहित्य महोत्सवको समापन कार्यक्रममा बोल्दै देउवाले सुदूरपश्चिमको विकासमा टेवा पुर्याउने उक्त जलविद्युत आयोजना निमार्णका लागी सबै नेपाली लाग्नुपर्ने बताएका हुन्।

‘सुदूरपश्चिमका जनता धनी भइसके, पैसा हाल्नुस न यार ! आफै बनाउनुस, विदेशी ल्याउने कामै छैन’ उनले भने ‘नेपाली आफैले बनाउने अनि नाफा पनि आफै लिने। ‘उक्त आयोजना निमार्णका लागि जग्गाको समस्या भए सेयर बाढ्ने अथवा तीनीहरुलाई पैसा दिइने दउवाले वताए।
उक्त जलविद्युत आयोजना निमार्ण भएपश्चात सुदूरपश्चिमका जनाताले निःशुल्क उक्त विद्युत उपभोग गर्न पाउनुपर्ने देउवाको भनाइ छ। सबैले सहयोग गरे पश्चिम सेती बनिसकेपछि नेपाल धनी देश बन्नेमा आफु विश्वस्त रहेको उनले बताए।

फरक प्रसंगमा बोल्दै उनले नेपाली भाषाको उद्गम विन्दु सुदूरपश्चिम रहेको बताए। आजभोली डोट्याली भाषा हराउदै गएको भन्दै उनले चिन्ता व्यक्त गरेका छन्। ‘हाम्रो सुदूरपश्चिमका भाषा हराउँदै गएको छ। यहाँका मान्छेले हाम्रो भाषा बोल्नै छोडेका छन्’ उनले भने ‘आजभोली अंग्रेजी बोल्छन्। झन धनीहरुका छोराछोरीले त नेपाली बोल्नै जान्दैनन्।’

नजिकै भारतमा रहेको देहेरादुनका नेपालीले यहाँकोभन्दा राम्रो भाषा बोल्ने गरेको उनले बताए।