धरानको भेडेटारमा व्यवसायिक जिपलाइन सुरु

बिकल रेग्मी, सुनसरी ।
सहासिक खेलको रुपमा चिनिने जिपलाइन सुनसरीको धरान- ४ स्थित भेडेटारमा व्यवसायिक रुपमा सुरु भएको छ ।
धरान २० मा हाल रहेको विपी पार्क परिसरमा २०७५ असोज १२ मा पहिलोपटक जिप लाइनको सुपर म्यानको सफल परीक्षण भएको थियो । तर, व्यवशायिक सुरुवात भने हुन सकेको थिएन । तर अव भने धरानको नयाँ स्थानमा जिप लाइन सुरु भएको छ । धरान र भेडेटारको सिमानामा रहेको भेडेटारको स्वागतद्धार देखी धरान ४ को देविधानसम्म आजबाट प्रदेश १ को पहिलो जिप लाइन सुरु भएको हो ।

साहासिक पर्यटकिय खेलको रुपमा रहेको जिपलाइनको उद्घाटन एक नं. प्रदेशका मुख्यमन्त्री शेरधन राईले गरे । धरान–४ स्थित भेडेटारको डाँडाबाट देविथान डाँडासम्म ६ सय ५० मिटर लामो जीपलाइन सुरु भएको हो । जीपलाइनको सुरुवात भएसँगै धरान उपमहानगरपालिकाकी उपमेयर मञ्जु भण्डारी सुवेदीले जीपलाइनको मज्जा लिए।

जीपलाइनको उद्घाटन गर्दै मुख्यमन्त्री शेरधन राईले प्रदेशमा पर्यटन उद्योगको क्षेत्रमा प्रदेशमै नयाँ साहासिक पर्यटन भित्रिएको भन्दै खुसी व्यक्त गरे । करिब ७ महिना अघिदेखी वल्र्ड वाइड ग्रुप नेपाल प्रालि धरान-४ ले निर्माण सुरु गरी जिप लाइनको सुरुवात गरेको हो ।

प्रलिका सञ्चालक केदार थापा, यम राई, डोलिका लिम्बू, विवस भण्डारीले भेडेटारमा २ वर्ष अध्ययन गरेर जिप फ्लाइङको सुरुवात गरेका हुन् । उनीहरुले यस अघि धुलिखेलमा व्यवसायिक रुपमा जिप फ्लाइङ गरिरहेका छन् ।

जीपलाइनमा टेकअफ पोइन्टदेखि ल्याण्डीङ पोइन्टसम्म आइपुग्न करिब ३०-४० सेकेण्ड लाग्ने सञ्चालक केदार थापाले बताउनुभयो । क्लासिकको १२ सय, सुपरम्यानको १५ सय र कपलको १८ सय रुपैया मूल्य तोकिएको छ ।