काठमाडौं । कोरोना भाइरस संक्रमणको जोखिमलाई मध्यनजर गर्दै कान्तिपुर मिडिया ग्रुपले आफ्ना सम्पूर्ण छापा संस्करणको प्रकाशन स्थगन गर्ने निर्णय गरेको छ ।
विशेष प्रकाशकीय लेख्दै कान्तिपुर पब्लिकेसन्सले ‘कान्तिपुर’ र ‘द काठमाडौं पोष्ट’ दैनिकका साथै नेपाल, नारी र साप्ताहिकको प्रकाशन स्थगन गरेको जनाएको छ।
विशेष प्रकाशकीयमा भनिएको छ, ‘सबै तहका सहकर्मीको जीवनरक्षा हाम्रो पहिलो दायित्व हो। कुनै पनि बखत संक्रमित हुन सक्ने र त्यसबाट रोग फैलन सक्ने खतरालाई हामी बेवास्ता गर्न सक्दैनौं।’
त्यसैगरी ईकान्तिपुर डट कम, काठमान्डुपोस्ट डट कमलगायत केएमजीका डिजिटल प्लाटफर्ममार्फतसमाचार, विचार, विश्लेषण, अन्तर्वार्ता, फोटो, भिडियो प्रकाशन हुने पनि जनाएको छ ।
केएमजीका अन्य दुई कान्तिपुर टेलिभिजन र रेडियो कान्तिपुर सदाझैं दर्शक एवम् स्रोताको सेवामा प्रस्तुत भइरहने जानकारी दिएको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
