ललितपुर, गोडामचौर — "प्रकृतिको संरक्षण नै राष्ट्रको समृद्धिको आधार हो" भन्ने मूल नाराका साथ गोडामचौर सामुदायिक वन उपभोक्ता समूहको आयोजनामा शनिबार एक भव्य वृक्षरोपण कार्यक्रम सम्पन्न भएको छ। हरित नेपाल निर्माणको अभियानलाई थप टेवा पुर्याउने उद्देश्यले आयोजित उक्त कार्यक्रममा युवराज पारस शाह र ॐ आदेश गुरु महाराज प्रभन्जनको गरिमामय उपस्थिति रहेको थियो।
कार्यक्रममा स्थानीय बासिन्दा तथा उपभोक्ता समूहका पदाधिकारीहरूले युवराज पारसलाई भव्य एवं न्यानो स्वागत गरेका थिए। सोही अवसरमा युवराज पारसबाट वन परिसरमा वृक्षरोपण समेत गरिएको थियो। विशिष्ट व्यक्तित्वहरूको यस किसिमको सहभागिताले स्थानीयस्तरमा पर्यावरण संरक्षणप्रतिको जनचेतना अभिवृद्धि हुनुका साथै वृक्षरोपण अभियानलाई थप प्रेरणा र ऊर्जा मिलेको आयोजकले बताएका छन्।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
