काठमाडौं । राष्ट्रिय प्रजातन्त्र पार्टी (राप्रपा) ले देश कोभिड-१९ संक्रमण बिरुद्ध एकढिक्का भएर लाग्नु पर्ने घडिमा सत्तारुढ दल नेकपा आन्तरिक सत्ता र शक्ति संघर्षमा अलमलिन पुग्नु दुर्भाग्यपूर्ण भएको बताएको छ ।
आइतबार राप्रपाका अध्यक्ष कमल थापा निवास बुढा निलकण्ठमा पार्टीका शिर्षस्थ नेताहरुको बैठक बसेर बिज्ञप्ती जारी गर्दै राप्रपाले नेकपाले यस्तो महामारीको बेला एकजुट भएर जानुको साटो पार्टी भित्र किचलो गरेर बस्नु उपयुक्त नभएको बताएको हो ।
बैठकले संबिधानको भावना विपरित सरकारले हालै जारी गरेको राजनीतिक दल र संबैधानिक परिषद सम्बन्धि अध्यादेश त्यही विकृतिको पछिल्लो उदाहरण भएको ठहर समेतख गरेको छ ।
साथै राप्रपाले कोरोना भाईरसको महामारी नियन्त्रण गर्न सरकारले चालेका कदमहरु उपयुक्त भएपनि कार्यान्वयन पक्ष अत्यन्त कमजोर रहेको निष्कर्ष निकालेको छ।
लकडाउन लम्ब्याउने बाहेक अन्य विषयमा सरकारको उपस्थिति, प्रयास र प्रभावकारीताको अनुभूति हुन नसकेको बताएको राप्रपाको बिज्ञप्तिमा उल्लेख छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
