मुम्बइ, बलिउड अभिनेता इरफान खानको निधन भएको छ ।
५४ वर्षीय खानको आज बिहान मुम्बईको कोकिला वेन धिरूभाइ अम्बानी अस्पतालमा निधन भएको हो । उनी दुई वर्षदेखि क्यान्सरको उपचार गरिरहेका थिए । खानलाई न्युरो एन्डोक्राइन ट्युमर भएको थियो ।
जयपुर राजस्थानमा सन् १९ सय ६६ मा जन्मिएका खान थिएटरबाट सिनेमामा आएका थिए । उनको अन्तिम सिनेमा सात महिनाअघि रिलिज भएको अंग्रेजी मिडियम हो । गत शनिबार उनकी आमाको निधन भएको थियो ।
खानले सलाम बम्बे, मक्बुल, पानसिंङ तोमार, द लञ्च बक्स, पिकु, तलबार, हिन्दी मिडियमजस्ता चर्चित सिनेमामा अभिनय गरेका थिए । बलिउडमात्र होइन खानले अन्तर्राष्ट्रिय ब्लगबस्टर सिनेमामा पनि काम गरेका थिए ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
